طفووله عضو

فكره جميله جدا حنان بس الصراحه لازم تكون موجوده ف الموضوع تسلمى ع الموضوع ي حنان بجد نايس توبك

ف البدايه اود ان اشكر حنان ع الموضوع الجميل وع الاختيار الاول
والله ي حنان هترجعينى لايام كانت جميله جدا
والان مع الاسئله

1-أوصف لنا طفولتك(بالتفصيل)


طفولتى بالتفصيل صعب اوصفها بس انا هكتب اهم حاجات فيها ف البدايه طفولتى زى اى طفل عادى بيحب يلعب ويموت ف الشارع وخاصة لما يكون معاك ف طفولتك ناس من دورك ايام بجد جميله
كنت بعيش ف منطقه الان انفصلت عنها تماما المنطقه دى والشارع دا بالذات شهد احلى ايام حياتى كنا ف الشارع ده عباره عن ولدين وبنت ف نفس السن كنا بنلعب مع بعض ونروح عند بعض ونضرب بعض وشغل الاطفال اللى انتو عارفينو ده
وف السادسه من عمرى التحقت بمكتب تحفيظ قران كريم ف الاول انا كنت مش حابب الموضوع ده وخاصة ان مفيش حد من اصحابى المقربين ليا اوى كان بيجى معايا ف الاول كنت ممكن اروح يوم وعشره لا بس لما انضغط عليا واتشديت شده صح من ولدى بقيت بروح يوميا واستحاله اغيب الا للضروره
ف البدايه كان الموضوع صعب اوى بس مع الوقت بقيت انا اللى بحب اروح حفظت القران الكريم كاملا وانا ف سن 14
التحقت بالمدرسه ف سن السابعه ودى اجمل واحلى الايام بعد دخولى المدرسه اصبح يومى كالتالى مدرسه لحد الظهر مكتب التحفيظ لحد العصر لعب من للمغرب او ممكن مش ادخل بيتنا الا بعد العشاء طبعا واجبات لازم تتعمل وهكذا كان اليوم ف ايام الدراسه
ف الاجازات كنا بنروح المكتب الصبح نخلص الظهر نقضيها لعب انا واصحابى للمغرب
بجد كانت ايام جميله جدا كنت مثلا ف الصيف نقعد بالليل انا واصحابى ف الشارع عندنا نقعد نلعب واحسن حاجه كنا بنعملها بقى بالليل اوى كنا نلف على اجراس البيوت اللى ف الشارع كله ونعلق الجرس ونمشى ونستخبى هههههههههه بجد ايام جميله
اوقات كتير كنت بغضب لانى مش كان اى حاجه كدا بتعجبنى والسلام....... لا انا كنت بحب ان كل حاجه مظبطه يعنى ف الاكل مثلا احب ده ومش بحب ده ومع اصحابى احب يكون صحبى يعزنى اوى بس دا مش بالغصب طبعا
كنت بحب اصحابى جدا لدرجة ان كنت بغير عليهم ولو واحد مثلا صاحب حد مش كويس كنت ممكن ابعد عنهم او ابعده عنه
كان اولاد اخوالى اكبر منى بكتير بس كانو بيعتبرونى قدهم يعنى مثلا نلعب كوره مع بعض اروح معاهم اى مشوار ماشى او مكان معاهم كانو بيحبونى اوى وخاصة ان عندنا كان اللى بيحفظ قران كان كل الناس بتحبه
بس مع ولاد اخوالى دول كنا بنعمل مصايب سودا لاداعى لذكرها
كان اقرب حد ليا من اولاد اخوالى ولازال الى الان هو احمد ابن خالى ربنا يارب يخليه ليا
كان ليا ابن عمتى من نفس سنى بالظبط دا برده يعتبر من اقرب الناس اليا اى نعم هو مكنش معايا ف نفس البلد بس دا لو طولت كل يوم اكون عنده كنت بعملها وايضا من الناس المقربين ليا كان اخويا من الرضاعه وهو كان جارى ولازال الى الان من الناس المقربين
ومن الحاجات الجميله اوى اللى مش هنساها شيلة البنات اللى كانو عندنا ف الشارع بس كانو اكبر منى بس كنا مقضينها معاهم انا وصحبى الشيله كلها كانو اخوات كنا نروح نقعد معاهم ف البيت عندهم نلعب والعمليه كانت زبادى .......................
الى حد ما كنت مدلع وخاصة عند ولدتى ست الكل واخواتى اللى تعتبر مربيانى واللى بحبها جدا وعلاقتى بها جامده جدا
ف الاول كنت بخاف من ولدى اوى زى اى طفل بس بعد كدا تحول الخوف دا الى احترام كبير لدرجه ان انا مش اقدر ارفضله طلب
الانسان اللى كان عملى رعب بقى هو الشيخ بتاع المكتب بتاع القران ي لهووووووووووى دا لو كنت مثلا اشوفه جاى من بعيد كنت ممكن لو مفيش مكان استخبى فيه كنت اتمنى ان الارض تبلعنى وخاصة ان الشيخ ده كان اخواته ساكنين جنبنا كان ممكن لو عرفت ان عند اخواته مممكن مش اخرج من البيت لان اللى كان بيشوفه بيلعب ف الشارع كان بيعلقه كان بيبقى نهار امه اسود وبعد ما بدات مش اخاف من ابن ال........... ده طلعلى غيره ف المدرسه مدرس كان اسمر كدا بس كان ابن ................. كنت دايما بتريق عليه واقوله ابو دم اسود المدرس ده كان بينتظر اى حد يغلط لدرجة انه كان بيكتب حاجات ع السبوره ويشخبط عليها ويقلك اقرا واللى ميعرفش كنت بيطلع ................ اهله وطبعا محدش كان بيعرف
بس بعد كدا الكره ده اتحول الى حب بعد ما كبرت طبعا وكنت بقبلهم ف الشارع عادى كدا
بجد كانت ايام زى الفل بالرغم من انها كانت صعبه احيانا



2-هل تتمنى أن تعود طفلا؟ولماذا؟

اكيد اى حد يتمنى يرجع طفل علشان الواحد ولا كان شايل هم اى حاجه ف الدنيا مقضيها لعب لكن دلوقتى هم الدراسه وهم الزواج ومشاكل اصحاب وحاجات كتير الواحد مكنش عملها حساب




3-هل كنت طفلا مدللا؟

الى حد ما كنت مدلل بحكم ان انا كنت شاطر اوى ف الدراسه وبسمع الكلام ومازلت الى الان مدلل نعمل ايه بقى حبهم ليا مقدرش اتدخل



4-هل ممرت بصعوبات خلال فترة طفولتك؟

ما اعتقدش ان فاكر ان كان ف صعوبات ف طفولتى بس دلوقتى كتير




5-هل كنت طفلا هادئا أم خجولا أم مشاغبا؟

انا بطبعتى كانت هادى بس هادى من النوع اللى بيحب يعمل كل حاجه من غير من غير حد يعرف يعنى كنت بعمل اللى انا عايزه وانا هاادى يعنى ينطبق عليا المثل اللى بيقول ياما تحت السواهى دواهى بس دلوقتى اعتقد ان انا اتغيرت كتير اوى



6-أذكر لنا حادثا مر بك خلال طفولتك ولم تنساه للآن؟

حادثه واحده ماشى وانا ف سنه 5 كنا ف الامتحانات وكنا بنمتحن ف اليوم مادتين وف الفسحه كنا بنلعب انا واصحابى فكنت عامل فيها بطل وبقفز من ع المقعد واذا فجاة الارض مليه بالدم رجلى اتفتحت حوالى 9 غرز ورحت المستشفى وكانت ليله ورجعت تانى الامتحان علشان كان لازم احضرها اى نعم انا مش كتبت ولا كلمه والمراقب قام بالواجب بس مش بنساه علشان اثره لسه موجود الى الان وكل ما اشوفه افتكر




7-أين كنت تقضي معضم وقتك؟

عند جدتى ام ولدتى كنت بحبها اوى ربنا يرحمها كانت بتحبنى اوى هى كانت ف طريقى الى المدرسه وكان لازم ف كل وقت اعدى اقعد عندهم وكمان عند عمتى وذلك لاسباب ..........................





8-لعبتك المفضلة؟

الكره طبعا



9-هل كنت طفلا إجتماعيا أم إطوائي ولا تحب اللعب والمخالطة؟

انا بحب الناس واحب اتكلم معاهم عمرى ف حياتى ما كنت انطوائى ف يوم من الايام





10-لديك أصحاب من الطفولة؟وهل بقيت معهم أم باعدتكم الاقدار؟

اكيد كل اصحابى من الطفوله معايا الى الان ومفكرتش ف يوم ان ابعد عنهم






11-هل كنت تحب أفلام الكارتون؟وما هو كارتونك المفضل؟

انتى تعرفى عنى كدا برده ي حنان كارتون ايه احنا هنزر لا طبعا لانى مكنتش اساسا بحب التليفزيون اوى يعنى والى الان كذلك




12-كيف كانت علاقتك باخوانك واخواتك؟

علاقه جميله جدا وخاصة علاقتى باختى اما اخوايا الكبير فدا ليه معايا حكايات



13-ما هو أصعب موقف حدث لك في طفولتك ولم تستطع نسيانه؟

ان انا ف سنه 3 خرجت مع اصحابى وكنا يوم عيد وطلعنا من اول اليوم الى تقريبا العشاء وقعدوا يلفو علينا واحنا اصلا مش غبنا بمزجنا بس احنا رحنا ومش عارفين نرجع وربنا سهل الحال ورجعنا واول ما رجعنا ادينى ي سيدى ضرب اخدت علقة موووووووووووووووووت مش نسيها لحد دلوقتى




14-هل هناك إنسان معين غرت منه في طفولتك..ولماذا؟

انا بطبعتى مش بغير الا على حاجات معينه ومنها الدراسه والحب وكدا يعنى فلو حصل وغيرت من حد فاكيد علشان الحاجتين دول بس بس مفيش حد معين غرت منه





15-صف لنا موقفك أول يوم دخولك للمدرسة

اسعد يوم ف حياتى بلبس المدرسه الجديد والسندوتشات واوعى ترمى السندوتشات وكلهم

والاجمل فيه ان ولدى هو اللى كان رايح معايا اول يوم وحاجات كتيره زى الطابور وتحية العلم وكلام كتير كدا



16-شيء كنت تتمناه بطفولتك ولم تحصل عليه؟

انا مش الناس اللى كنت تسالهم يقولك انا عايز ابقى ظابط واللى يقولك انا عايز ابقى دكتور بس انا من جوايا مكنتش محدد حاجه ولما اتمنيت اتمنيت اكون مدرس علشان اللى يقع تحت ايدى اطلع ................ اللى كان بيحصلى يعنى بس الامنيه دى اتغيرت لما كبرت وحبيت اتعلم اللغه كمترجم والحمد الله انا دلوقتى ف الامنتيه دى
بس الحاجه اللى امنتها بجد هى حب عيشته ودا مش ف الطفوله بس دا لحد فتره تكاد تكون قريبه بس عمرى ما ندمت عليه علشان الحمد الله ربنا عوضنى عنه ولو اعرف كدا مكنتش اتمنيت دا من الاول وكنت اتمنى ان الحب اللى عيشه الايام دى هو اللى كان معايا منذ الطفوله



17-حلم الطفولة ما هو؟ وهل حققته؟

مكنتش احلم بصراحه علشان كنت بقضيها طول اليوم لعب واجى اخر النهار اتخمد انام هههههههههههههههههههههههههههههههههههههههههههه لا انا حلمت ان اكون زى والدى ف تصرفاته وعقله اما من ناحية حققته ولا لا فانا مازالت احاول احققه


18-ما هي الكلمات التي كنت ترددها في طفولتك؟

والله كنت بردد كلام ربنا بحكم انى كنت بحفظ قران يعنى



19-هل كنت مطيع لوالديك؟

والله السوال ده اسئلهم عليه بس اعتقد ان انا كنت مطيع جداااااااااااا











والن بعد الا نتهاء احب ان العضو كوتى يدخل يحكلنا عن طفولته وجاوب ع نفس الاسئله ي نجم

دموع القمر كتب:

[color=violet]

]يلا بقى يا باشا احكلنا عن طفولتك كدا
الاول انتة فاضى تحكلنا ولا هتعمل زى ناس
لو مش فاضى اقولنا
وانتمنى انك تحكلنا عن طفولتة