| سؤال للرجال فقط مهم جدا وارجو الدخول......... | |
|
|
كاتب الموضوع | رسالة |
---|
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: سؤال للرجال فقط مهم جدا وارجو الدخول......... الأحد فبراير 20, 2011 12:53 am | |
| الإخوة الكرام منذ حوالي عام ونصف كان أحد أصدقائي المقربين في رحلة عمل إلى دبي , وجلس على الكرسي المجاور له بالطائرة رجل مصري ذكر أنه يعمل مهندس كمبيوتر في حوالي الأربعين يبدو عليه الهدوء والاتزان. وأثناء الرحلة تبادل الاثنان الحوار والحديث , ثم تطرق الكلام عن الاقتصاد وأسعار العملات والجنيه والذهب , فاندهش صديقي من سعر جرام الذهب الذي ذكره له رفيق السفر لأنه لم يكن قد تصور أنه ارتفع بهذا الشكل.
فرد عليه رفيق السفر بأنه متأكد من الرقم الذي ذكره لأنه اشترى شبكة ذهب مؤخراً لعروسه وبالتالي فهو يعلم آخر سعر للذهب.
فبارك له صديقي على زواجه , فرد عليه رفيق السفر أنها ليست الزيجة الأولى بالنسبة له , ولكنها الثالثة !! نعم ذكر أنها الزيجة الثالثة !!
ولأن صديقي متأثر بثقافة المصريين في أن الزيجة الجديدة تعني فشل ما قبلها , فتمنى له التوفيق في تلك الزيجة لعلها لا تكون مثل سابقتيها.
فرد عليه رفيق السفر بأن الزيجتين السابقتين بفضل الله تعالى موفقتان جداً , وأن زوجتيه الأولى والثانية لا تزالان على ذمته وعلاقته بهما ممتازة ولا تشوبها شائبة !!
وإزاء الدهشة التي ظهرت على ملامح وقسمات وجه صديقي شرح له رفيق السفر الأمر ببساطة شديدة فقال له : أنا راجل ملتزم وبحب الستات وعايز أعيش معاهم في الحلال , فبتجوز على سنة الله ورسوله. (إجابة بسيطة وهادئة ورزينة)
المهم أن صديقي لم يتحدث معه في هذا الأمر كثيراً فاكتفى بما ذكره رغم أن الرجل – بحسب زعم صديقي – كان مستعداً للحديث في أمر زيجاته الثلاثة , وبعد أن عاد صديقي بسلامة الله قص علي ما دار بينه وبين رفيق سفره وأخبرني أنه شخصية محترمة ومتدينة وحصل على رقم هاتفه وعنوانه , ورجاني أن نستغل فرصة مناسبة للقاء به والتعرف عليه.
فقلت له : نستغل فرصة مناسبة وبس ؟؟ .. ده احنا نخلق فرصة للتعرف عليه .. ده الراجل ده أستاذ كبير ولازم أفهم منه تفاصيل كثيرة.
مر ما يزيد على عام على ما دار بيني وبين صديقي حتى اتصل بي صديقي ذات يوم يدعوني للخروج معه ومع صديق آخر له لا أعرفه ذكر أنه يود التعرف علي بعد أن قرأ نسخة من كتابي , وعندما سألته عن ذلك الصديق ذكرني برفيق السفر الذي جلس بجواره بالطائرة المتزوج من ثلاثة.
تذكرت قصة صديقي حينئذ وقلت : بقى هو اللي عايز يتعرف علي ؟؟ .. ده أنا اللي يبقى لي الشرف أتعرف عليه وأتعلم خبرات الحياة منه. __________ التقيت بصديقي وصديقه في الموعد المحدد , فإذا بي أجد الصديق شخص عادي ليس مثل الحاج متولي ولا المعلم حكشة ولا تجار السوق السوداء ولا ثري خليجي ولا أحد معلمين سوق الخضار .. إنسان هادئ محترم وقور جنتلمان لا يبدو عليه أي غرابة ولا حتى تميز.
بعد التعارف بدأ الصديق حديثه عن كتابي , فقاطعته قائلاً : سيبك من الكتاب دلوقتي وخلينا في المهم.
انفجر الصديقان في الضحك لأنهما كانا يعرفان ما أقصده , فسألت الصديق على قصة زواجه الثلاثي فروى لي التالي باختصار : (وسأذكر القصة باختصار شديد بعد حذف المداخلات والتفاصيل التي لا تفيد كثيراً)
ذكر أنه خريج أكاديمية السادات قسم كمبيوتر , تزوج بمجرد تخرجه من زميلة له وعمره 23 سنة عن حب. وبعد مرور 11 سنة على زواجه عندما أصبح سنه 34 سنة ولديه بنتين وولد شعر برغبة في الزواج من امرأة أخرى.
فقلت : الرغبة عندك بالزواج من أخرى إتأخرت قوي .. متهيألي العادي إنها بتظهر بعد سنة بالكثير.
رد (ضاحكاً) : أنا بتكلم عن الرغبة الحقيقية اللي بيبقى التنفيذ وقتها ممكن , أنا كان ربنا فتحها علي من مكتب البرمجة اللي فتحته مع شريكي وبقى عندي إيراد يكفي لفتح بيت تاني.
فسألته : طب والزوجة الثانية كنت شفتها واتعرفت عليها قبل الزواج وكان إعجابك بيها هو الدافع لزواجك منها.
أجاب (نافياً) : لا لا لا إطلاقاً .. أنا طول عمري دوغري وما ليش في الحاجات دي , أنا أما لقيت نفسي أقدر أتجوز تاني طلبت من شريكي في المكتب يشوف لي عروسة مناسبة وصغيرة من خلال علاقاته والحمد لله كان سبب إن ربنا يوفقني للزوجة الثانية.
قلت : أنا للأسف معنديش شركاء .. اهو ده عيبه بقى.
وأكمل الصديق : أول ما زوجتي الأولانية عرفت إني ناوي أتجوز حصلت مشاكل طبعاً معاها ومع أهلها ودخلت في مواويل ووراحت قعدت عند أهلها زعلانة وكانت حتوصل للطلاق , ولكن الحمد لله تقبلت الموضوع في النهاية.
سألته : وإيه اللي خلاها تتقبله ؟؟
أجاب : الصراحة أن زوجة شريكي كان لها الفضل في كده , هي أقنعتها إنها لو اتطلقت حتخسر كل حاجة ولكن الوضع الجديد كويس ومش وحش زي ما هي متصورة.
قلت : شريكك تاني ؟؟ .. إنت المرة اللي جاية لازم تجيب معاك شريكك ده وتعرفنا عليه.
أجاب : أصل شريكي كان متجوز قبلي اثنين , ومراته الأولانية هي اللي أقنعت زوجتي الأولى بقبول الوضع لأنها عاشته قبلها.
قلت : إحنا نروح دلوقتي حالاً نتعرف على شريكك ده فوراً .. مش حنستني للمرة اللي جاية.
أضاف الصديق : بعد الزواج الثاني لي لقيت علاقتي بزوجتي الأولى بقت أحسن من قبل الزواج , بدأنا نشتاق لبعض أكثر وبدأت تهتم بنفسها أكثر.
سألت : طب والغيرة ما بين الزوجتين كانت أخبارها إيه ؟؟
أجاب : طبعاً الغيرة موجودة وبسمع كلام وتعليقات زي السم من هنا وهناك , ولكن أهم حاجة في الموضوع ده تكبر دماغك ولا كأنك سمعت حاجة.
سألته : وزوجتك الثانية أما تقدمت لها كانت موافقة ترتبط بواحد متزوج وعنده أولاد ؟؟
أجاب : هي كانت مطلقة وما عندهاش أولاد وعايزة تستقر وتعيش , وبصراحة هي عجبتني كمان وعايشة معايا سعيدة ومستقرة ومخلف منها بنت.
سألته : طب والزوجة الثالثة قصتها إيه ؟؟
أجاب : بعد ستة سنوات من الزواج الثاني كان عمري وصل 40 سنة , البنك اللي بتعامل معاه التقيت بواحدة آنسة محاسبة عمرها 30 سنة هناك عجبتني , فسألت عنها معارفي في البنك وعرفت أنها مش مرتبطة فعرضت من خلال وسيط عليها الزواج .. هي رفضت في الأول المبدأ تماماً ولكن بعد فترة وبتكرار العرض ومقابلتي معاها وافقت.
سألته : وإيه اللي خلاها توافق على واحد متزوج اثنين ومعاه 4 أولاد من الأولى والثانية ؟؟
رد : هي أي نعم محاسبة في بنك وحلوة , ولكن عمرها 30 سنة وقطر الزواج قرب يفوتها وأنا كنت جاهز بكل حاجة الشقة والمهر والشبكة.
قلت (ساخراً) : أنا من بكرة حغير البنك اللي بتعامل معاه .. الموظفين اللي فيه كلهم عايزين ضرب النار.
أكمل الصديق : زوجتي الثانية هي اللي كانت رافضة ومعترضة على الزواج من الثالثة , ولكن زوجتي الأولى هي اللي قعدت معاها وأقنعتها إن الموضوع بسيط لأنها مرت بالتجربة دي قبلها.
قلت : بسم الله ما شاء الله .. ربنا يرزقك بالرابعة.
وأضاف الصديق : والحمد لله زواجي التالت داخل على سنتين بس لسه ربنا ما رزقناش بأولاد , والعلاقة مع زوجاتي الثلاثة ما شاء الله زي الفل مفيش مشاكل كبيرة .. طبعاً في خلافات وحاجات صغيرة ولكن أهم حاجة هي الدماغ الكبيرة لأن الستات دماغتهم صغيرة قوي.
طبعاً أنا وصديقي الأولاني كنا قاعدين والدمعة حتفر من عنينا .. فبدأ الصديق يسألني أنا وصديقي:
الصديق : طيب هل انا غلطت ؟؟ .. أنا راجل بحب الستات زيي زي أي راجل وبحب أعيش في الحلال.
قلت في نفس واحد أنا وصديقي : طبعاً عندك حق.
فسألنا : طب هل في واحد فيكم ماعندهوش الرغبة يتزوج تاني ؟؟
أجبت : أي راجل في الدنيا عنده الرغبة في الزواج الثاني والثالث والرابع كمان طبعاً .. دي حاجة مش محتاجة كلام واللي يقول غير كده يبقى بيخدع نفسه.
فسألنا : طب لو كل واحد فيكم عنده الإمكانيات المادية للزواج الثاني إيه اللي ممكن يمنعه ؟؟ ______________________
الحقيقة أن صديقي الذي عرفنا ببعضنا البعض تكلم في هذا الموضوع باستفاضة وبصدق , ولا أريد أن أسرد للأعضاء ما دار بيننا من حوار ممتع حول هذا الشأن ولكن أود أن أطرح النقاش هنا والسؤال التالي للرجال المتزوجين من أعضاء المنتدى , وممكن لو واحد مش متزوج يخش ويدلي برأيه مش مشكلة ويبقى يشوف بعد الزواج حيقول إيه.
السؤال هو : بفرض أن الرجل أوتي الإمكانات المادية التي تؤهله للزواج الثاني .. فما الذي يمنعه من هذا الزواج ولماذا ؟؟ ده سؤال محتاج مصداقية عالية قوي. هو أي نعم الفرض اللي افترضته شبه مستحيل في إن الواحد يبقى عنده الإمكانات المادية اللي تؤهله للزواج الثاني في ظل هذا الغلاء الفاحش وموافاة المنزل باحتياجاته بشق الأنفس .. ولكن خلينا نحلم ونتكلم مع بعض شوية. مش حنحجر حتى على الأحلام كمان.
ومنتظر رأي الإخوة. لو توفرت لكم الإمكانات المادية .. هل ستقدم على الزواج الثاني ؟؟ .. وما الذي يمكن أن يمنعك ؟؟ .. وكيف يمكنك التغلب عليه.
نقاش جميل دار ما بيننا في الجلسة , وأتمنى يدور هنا بشكل أوسع. | |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... الأربعاء مارس 16, 2011 3:57 am | |
| ياااااااااااااااااااه قد كدا السؤال صعب مافيش ولا ادم واحد دخل ورد عليا ايه ياجماعه فعلا مش عارفين تردو تقولو ايه ولا معندكوش الجرأه الكافيه انكو تحكو بصراحه ..... والله اتمنى اشوف ردودكم وتبعدو اى فكره من الاتنين الى قولتهم عن بالى . | |
|
| |
اسير عينها المدير العام
كيف تعرفت علينا : عضو رقم العضويه : 88 عدد المساهمات : 139 تاريخ التسجيل : 16/03/2011 العمر : 35 المزاج : nice
| موضوع: رد: سؤال للرجال فقط مهم جدا وارجو الدخول......... الجمعة مارس 18, 2011 11:12 pm | |
| اولا الامور مش بتنحسب بالامكانيات زى ما انت واصدقائك افتكرتو سورى يعنى بس دا راى الامور بتنحسب بتقدير الزوج لزوجته ومدى التعاامل بينهم وانا اومن ان فى زوجه بالف زوجه وان كان من ناحية الشرع فانت لازم تعدل بين الازواج وانا شايف ان ممكن الواحد يكون متزوج وحده بس وميكنش قادر يعدل معها بس اما اذا انت كنت قادر تعدل بينهم ماديا وحقوق زوجيه فانت كدا ماشى يكون عندك الحريه ف وحده واتنين الى اربع معاك انك زى ما انت قلت او زى ما دار ف الحوار انه بيحب الحريم فانت لو وفرت نصف حبك للحريم لمراتك هتكون انت وهى اسعد اتنين ف الدنيا اى نعم تعدد الزوجات مذكور ف القران بس دا ليه شروطه بس راى لو انا عندى الامكانيات لزوج اتنين مش هاعمل كدا لانى مش هتجوز الاولى اللى اذا كنت بحبها وحاسس ان هيا هتعوضنيى عن حريم الدنيا كلها
تقبل مرورى اخى الكريم
تحياتى:عاشق القلب للقلب
fathi
| |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... الأحد مارس 20, 2011 2:15 am | |
| نعم معك حق اخى فتحى ولكن هذا من وجهه نظرك اما لناس اخرى فتعدد الزوجات بالنسبه لهم شىء تقليدى مثله مثل تغيير نوع الطعام كل يوم وهاذ مع وجود الامكانيات ومع وجود التوافق والعدل بينهم ..... ولكن لك رأيك ولابد من احترامه وعلى فكره انا كمان مؤمن بمدأك بالظبط ان زوجه واحده بالدنيا ومافيها وكمان مؤمن ان القلب مش بحب اتنين لازم واحده بس تشغل المكان ده بالرغم من ان الامكانيات توفرت وكنت متدين وعدلت بين زوجاتى بشرع الله لكن لن يحدث هذا ابدا ولن اتزوج على من احببت ولو حتى وان قدر الله وتوفيت او حدث لها اى مكروه والله يسترها علينا جميعا....
مشكور اخى فتحى على جرأتك ودخولك واجابتى على سؤالى لك منى كل الاحترام والتقدير .... نورت الموضوع عن جد اخى الكريم. | |
|
| |
دموع القمر اداريه
رقم العضويه : 32 عدد المساهمات : 741 تاريخ التسجيل : 13/12/2010 العمر : 30 الموقع : قلب حبيبى المزاج : مخنوقة اووووووووى
| موضوع: رد: سؤال للرجال فقط مهم جدا وارجو الدخول......... الأحد مارس 20, 2011 6:35 pm | |
| طيب مينفعش انا ولا اية ادام ادم مكسوف يدخل ويجاوب ولا اية ههههههههههه
| |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... الجمعة مارس 25, 2011 2:13 am | |
| - دموع القمر كتب:
طيب مينفعش انا ولا اية ادام ادم مكسوف يدخل ويجاوب ولا اية ههههههههههه
ههههههههههههه ..... والله هو الموضوع للرجال فقط بس بما ان مافيش ولا ادم واحد غير اسير عنده الجرأه انه يدخل ويحكى بصراحه فتفضلى حنان احكى انت وانا عن نفس بعتبرك اكثر جرأه من رجال كثيرين .....لك منى كل الحب والتقدير. | |
|
| |
Mahmoud Mody ادارى
كيف تعرفت علينا : صديق رقم العضويه : 58 عدد المساهمات : 333 تاريخ التسجيل : 30/12/2010 العمر : 33 الموقع : قلب حبيبى المزاج : مش بطال
| موضوع: رد: سؤال للرجال فقط مهم جدا وارجو الدخول......... الجمعة مارس 25, 2011 9:40 am | |
| أما بالنسبه إللى فان كانت الزوجه مخلصه ومتقنه فى كل شئ فلماذا اتزوج غيرها الا اذا كنت زير نساء و اعوذ بالله منها رأيى الشخصى هو لو كنت متزوج ويوجد فى زوجتى بعض عيوب الزواج وانتم تفهمونى جيدا فلن اتزوج إلا برضها هى لانها زوجتى واكيد يهمها مصلحتى حتى ولو كانت زوجة اولى ده رأيى يا استاذ عبدو ولا انته عندك كلام تانى فى انتظارك وتقبل مرورى | |
|
| |
the giant المدير العام
رقم العضويه : 1 عدد المساهمات : 144 تاريخ التسجيل : 06/03/2011 العمر : 36 الموقع : Site Beautiful Life المزاج : the mood in the psychological comfort
| موضوع: رد: سؤال للرجال فقط مهم جدا وارجو الدخول......... الجمعة مارس 25, 2011 6:16 pm | |
| المشكلة فى ادم المشكلة انى اسمى مش ادم فادخل لية ههههههههههههههه انا دخلت بس عشان بتقول للرجال فقط اما بالنسبة لسؤالك انا مستحيل ارد دلوقتى سيبنى 3 سنين اقرى السؤال دة وارجع ارد عليك وياراجل كل دة سؤال دى انا لو فى امتحان وجالى سؤال كدة وربنا ما داخل الامتحان هههههههههههه وبعدين ما تقولشى قول قصة وعايز اعرف ردك فيها سيبنى بقى اقرى الموضوع دة ادينى فرصتى بس انت راجل تمام وموضيعك تمام انا متبعك من زمان اوى فى المنتديات التانية وباتمنالك التوفيق فى حياتك وتبقى مدير مشهور وتطلع على الدش ههههههههههههه سلاموز معلشى بردبكلام كتير اشمعن انت يعنى اشطات بالمكسرات | |
|
| |
عابرة سبيل المشرف العام
رقم العضويه : 31 عدد المساهمات : 380 تاريخ التسجيل : 13/12/2010 العمر : 36 المزاج : كوووول
| موضوع: رد: سؤال للرجال فقط مهم جدا وارجو الدخول......... الجمعة مارس 25, 2011 7:21 pm | |
| ما شاء الله عليكم بحييكم على رايكم هذا واخلاصكم لزوجات المستقبل كنت خايفة ليكون واحد فيكم عايز يتزوج اكتر من مرة بس الحمد لله برايكم هذا اطمنت بوركتم وربي يرزقكم بالزوجات الصالحات الي تسعدكم طول العمر لكم مني كل الاحترام والتقدير | |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... السبت مارس 26, 2011 1:23 am | |
| - Mahmoud Mody كتب:
- أما بالنسبه إللى فان كانت الزوجه مخلصه ومتقنه فى كل شئ فلماذا اتزوج غيرها الا اذا كنت زير نساء و اعوذ بالله منها رأيى الشخصى هو لو كنت متزوج ويوجد فى زوجتى بعض عيوب الزواج وانتم تفهمونى جيدا فلن اتزوج إلا برضها هى لانها زوجتى واكيد يهمها مصلحتى حتى ولو كانت زوجة اولى ده رأيى يا استاذ عبدو
ولا انته عندك كلام تانى فى انتظارك وتقبل مرورى لاء طبعا محمود اكيد رأى من رأيك ومينفعش اساسا اقول حاجه غير كدا لان الراجل الى بيعمل بكلامك دا راجل بمعنى الكلمه وشهم بجد ولازم بردو يكون بيقدر رأى زوجته مهما حدث بينهم ..... مشكور محمود حبيبى كلامك كتير عاجبنى. | |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... السبت مارس 26, 2011 1:27 am | |
| - kimo كتب:
- المشكلة فى ادم المشكلة انى اسمى مش ادم فادخل لية ههههههههههههههه انا دخلت بس عشان بتقول للرجال فقط اما بالنسبة لسؤالك انا مستحيل ارد دلوقتى سيبنى 3 سنين اقرى السؤال دة وارجع ارد عليك وياراجل كل دة سؤال دى انا لو فى امتحان وجالى سؤال كدة وربنا ما داخل الامتحان هههههههههههه وبعدين ما تقولشى قول قصة وعايز اعرف ردك فيها سيبنى بقى اقرى الموضوع دة ادينى فرصتى بس انت راجل تمام وموضيعك تمام انا متبعك من زمان اوى فى المنتديات التانية وباتمنالك التوفيق فى حياتك وتبقى مدير مشهور وتطلع على الدش ههههههههههههه سلاموز معلشى بردبكلام كتير اشمعن انت يعنى اشطات بالمكسرات
ههههههههههههه والله عيب عليك ياعم متكسفناش بئا ادام الاجانب كدا بئا كدا تكسفنا ادام هنا وهما الصخم التانى لينا يقولو ميعرفوش يعنى ايه ادم والله عيب ياشماتت ابله طاظا فيا ههههههههه... وبعدين ياحبيبى ولا يهمك اقرأ الموضوع براحتك على اقل من راحتك خالص ان شالله تاخد سنتين حتى تقرأه اهو حتى تكون اتجزت وتقولنا على الطبيعه الجواز المره الاولى احسن ولا محتاج تتجوز تانى ههههههه. | |
|
| |
امير_الاحزان المدير العام
رقم العضويه : 2 عدد المساهمات : 723 تاريخ التسجيل : 10/12/2010 العمر : 34 الموقع : & فى قصرى ـــــــــ(بين اسوار احزانى )ـــــــ العالى& المزاج : حالم
| موضوع: رد: سؤال للرجال فقط مهم جدا وارجو الدخول......... السبت مارس 26, 2011 1:30 am | |
| - عابرة سبيل كتب:
- ما شاء الله عليكم بحييكم على رايكم هذا واخلاصكم لزوجات المستقبل كنت خايفة ليكون واحد فيكم عايز يتزوج اكتر من مرة بس الحمد لله برايكم هذا اطمنت
بوركتم وربي يرزقكم بالزوجات الصالحات الي تسعدكم طول العمر لكم مني كل الاحترام والتقدير ههههههه اسكتى اسكتى دا كلام على ورق صدقينى انا .. الناس دى انا عارفها تفضل تتمسكن لحد ماتتمكن طيب تعالى كدا بعد يجى 150 سنه وشوفى احوالهم عامله ازاى هتلاقى كلامهم كلو فى الهوا لانهم اساسا هيكونو تحت التراب هههههههههههه.مشكوره هنون على المرور ولك منا ايضا كل الاحترام والتقدير . | |
|
| |
| سؤال للرجال فقط مهم جدا وارجو الدخول......... | |
|