اعتراف من قلب مجروح

[b][i][center]
اعتراف من قلب مجروح
الموضوع مفيش فيه اي نوع من الامل


لانه بيتكلم عن حالة موجوده في قلوب ناس كتير اوي


ويا ريت يا جماعه لو حد هايتعب


او يتشائم بلاش يكمل قراءة لاني مش عاوز اشيل ذنب حد
انا عارفة ان ممكن يكون مش جديد عليكم


س يمكن في ناس منكم حاسين بيه و مش لاقيين حد يقولوله عليه


وممكن ناس تانيه تقول ان ده رد فعل زياده عن اللزوم تجاه الحياة


بس دي اعترافات قلب


شاف كتير من الدنيا


ونفسه يتكلم و يقول اللي جواه


الناس بتقول ان اي قلب مجروح مع الزمن و الوقت بيتداوي و بيرجع زي ما كان


كانة لسة قلب فاضى وجديد ولا شاف هم ولا حزن


وانا مش قادرة اصدق الحكاية دى


لكن اللي اعرفه و متأكد منه ان القلب المجروح

مهما عدت سنين عمرة ما يرجع تانى زى ما كان



جروح القلب كتير اوي


ومش لازم جرح القلب يكون من حب راح لا


جرح القلب و كسرته بتكون من الناس و من الحب و من الحياة كله


احساس صعب اوي انك تبقي عايش بقلب مجروح


بتلاقي قلبك بيتقطع و انت واقف و مش قادر تعمل اي حاجه


عندك احاسيس كتير مش فاهمها و مش عارف مصدرها و مش عارف تهرب منها



احساس بالضعف

بالخوف


احساس بألم فظيع

ألم بيأن في قلبك ليل و نهار

قلبك بينزف

و بيتقطع قدام عنيك

و بيتوجع
وانت واقف مشلول مش عارف حتي تنقذ منه و لو جزء صغير

زي ما تكون محبوسة حاجه كبيرة اوي جواك

زي ماتكون متقيد بسلاسل عمرها ما هاتتشال من عليك

نفسك تصرخ
نفسك تتحرك في اي اتجاه تاني غير اللي انت ماشي فيه

نفسك تقول آااااااه


لكن الكلمة محبوسة في صدرك و مش قادر تطلعها

علي الحياة

ياااااه علي الناس اللي مش بتحس بيك

وعلي قسوة القلوب الللي حواليك
وحياتك اللي بتسوء يوم عن يوم



وفجأة


يجىأمل

ييجي حب

يلملم الجرح

ويداوي شوية بشوية

تبتدي تحس

تبتدي تحب

يبتدي قلبك يدق من جديد

تبدا جواك حياة جميلة و حلم صغير عاوز يرتوي بالحب علشان يكبر


وزي ما الحب جه فجأة بيروح برضو فجأة

وتلاقي قلبك بعد ما ابتدي انه يحس بالحياة

ابتدي يموت من اول و جديد

والالم اللي كان قلبك متعود عليه بقي افظع و اقوي

لانه ألم من قلب كان قرب يموت و عرف معني الامل

وفقد الامل ده حتي قبل ما يشوف ملامحه

تحس الحياة بتموت جواك

مع انك عارف انك عايش و كل الناس حواليك عايشين

بس لما تبص لنفسك في المراية

بتلاقي حطام انسان

بتلاقي جسد من غير روح



بتلاقي احلام متكسرة


بتشوف قلب بينزف و نزيفه شديد

والامل اللي كان ممكن يحيي قلبك من جديد
وحتي يلملم جراحه راح

راح الامل

راح الحب

راح الحلم اللي كنت لسه هاتبدأ تحلمه

راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم

وتبص علي الناس اللي حواليك

تلاقيهم عايشين


بيضحكوا

بيحبوا

بيحلموا

وأنت واقف مكانك

مش قادر تنقذ قلبك اللي بيموت

بيموت

لأ انا قلبي مش بيموت

ده قلبي خلاص مات


ايوة فعلا قلبي مات

فين دقات قلبي

فين احساسي بابسط الاشياء في الكون

مفيش

مفيش احساس بأي شيء

مفيش متعه

مفيش سعاده

مفيش احساس حتي بنبض قلبي

لكن في حاجه جديدة ابتديت اعملها

في ابتسامه

ابتديت ارسمها علي شفايفي

بخدع بيها غيري

علشان ماشوفش نظرة عطف في عينيهم
وبخدع بيها نفسي لما اشوف نفسي في المراية

وبخدع بيها روحي

علشان تفضل في جسمي عايشة لغاية ما ييجي اوانها و تسيب الدنيا هي كمان

يمكن ساعتها ارتاح

يمكن في الموت راحه للألم اللي مالي حياتي كلها

يمكن



أحاول اسيب الدنيا و اموت

بس هاموت كافر ه يعني

لأ إلا ربي و ديني

انا خسرت احساسي وخسرت حبي و خسرت نظرة للحياة بعين سعيده

لكن مش هاخسر ربي و لا ديني

انا خسرت احساسي وخسرت حبي و خسرت نظرة للحياة بعين سعيده

لكن مش هاخسر ربي و لا ديني

طيب هاعيش ازاي

مش لو اصلا كنت عايشه

هاقضي ايام و خلاص

بتعدي عليا ليلها زي نهارها

ألم و تعب و حسرة و ندم

يا ريت انا كنت زي باقي الناس

ادوس علي غيري و لا يهمني

ياريت كنت يا قلبي قاسي

يا ريت كنت واحد تاني غير نفسي

في مكان غير المكان

في زمان غير الزمان

مع ناس غير الناس

يمكن كنت اقدر اعيش

يا ريت


يا ريت

يا ريت

وبيفضل سؤال دايما جواك

يا تري في قلب تاني ممكن يكون حاسس بنفس احساسي ده ؟

والاجابة............................... مش موجوده
((
>><<
>>
--------------------
مع تحيات
$ دموع القمر$

يا ريت انا كنت زي باقي الناس

ادوس علي غيري و لا يهمني

ياريت كنت يا قلبي قاسي

يا ريت كنت واحد تاني غير نفسي

في مكان غير المكان

في زمان غير الزمان

مع ناس غير الناس

يمكن كنت اقدر اعيش

يا ريت


يا ريت

تسلم ايدك يا حنان والله جامده اخر حاجه وانا دالوقتى حيران مش عارف انا مين وفين عاوز ايه من الدنيا حاببها ولا كرها خيف اقول كرها يروح قلبى بحلمه يموت خايف انى اقول حاببها القى كل البشر على حسود احترت فى اميى ومبقتش عارف انا مين وعاوز ايه وانا فين تسلم ايدك بجد يا دموع القمر

نورت يا كوتى والله
تحياتى ليك

تسلم ايدك ياقمررررررر(حنون)

الله يسلمك يارب يا موحا
ميرسى
على مرورك يا احلى موحا

تســــــــــلم ايدك
على الموضوووووع الرائع

ميرسى على مرورك
نورت خيو
مشكوررررررررررررررررررررر